Friendship Day

Hindi Shayari

Hindi Shayari

Zindagi hai ya koi tuufaan hai,
Hum to is jeene ke hathon mar chale..



Main aik zamaane se tumhe dhoond raha hoon,
Tum aik zamaane se khuda jaane kahan ho..



Masoom kis qadar tha main aghaaz-e-ishq main,
Aksar to us ke saamne sharmaa geya hoon main..



Ik umar hum kisi pe bharosa kiye rahe,
Phir umar bhar kisi pe bharosa nahin kiya..



Yeh fakhar to haasil hai buray hain ke bhalay hain,
Do chaar qadam hum bhi tere saath chale hain..

Mazdoor hoon mehnat ka silaa maang raha hoon,
Haq dijiye khairaat nahin chahiye mujhe..



Maine dekha hai keyi baar palatt ke,
Tum kahin bhi to dikhaayi nahin dete..



Mujhe maloom tha yeh sab, mera wajdaan kehta tha,
Ik haadsa darpaish hona hai, mujhe darwaish hona hai..



Kya ghazab hai ke hijr ke din bhi,
Zindagi main shumaar hote hain..



Aaj se hum ne chorr di zahid,
Iss khushi main to jaam ho jaye..

Chal sath ke hasrat dil-e- marhoom se nikle,
Aashiq ka janaaza hai zara dhoom se nikle..



Sii ke lab aik qayamat si utha di jaye,
Reh ke khamosh zara dhoom macha di jaye..

Is zulm ki duniya main faqat pyar meri maan,
Hai mere liye saaya deewar meri maan,

Nafrat ke jazeeron se mohabbat ki hadhon tak,
Bass pyar hai, haan pyar hai, pyar meri maan..

Apna tawaan leke chorray ga,
Ishq hai jaan le ke chorray ga..

Saahil ke tamashaayi har doobne wale per,
Afsos to karte hain imdaad nahin karte..

Us ne aesi chaal chali ke meri maat yaqeeni thi,
Phir apni apni qismat thi, haara main, pachtaaya woh..



Deewangi-e-shoq ko yeh dhun hai ke in dinon,
Ghar bhi ho aur be-dar o deewar sa bhi ho..



Be-sabab zalzala aalam main nahin ata,
Koi betaab teh-khaak tarrapta hoga..



Yeh mohabbat bhi hai kya rog faraz,
Jis ko bhoolen woh sadaa yaad aye..



Waqeyi ab tera hijr mujhe chaat geya,
Apni tasveer puraani se pata chalta hai..

Masroof hai khalaq eid ki tayarion main aur mein,
Mehv-e-fikr hoon ke sab se hansss kar milna hoga..



Mere chehre se na andaaza lagana ke yeh umar,
Mujh pe beeti hai bohat, maine guzaari kam hai..



Jaahilon main nahin mile itne,
Jitne jahil parrhe likhon main mile..



Tu hamari tarah bassar kar to sahi,
Zindagi tere bhi maathay pe paseena aa jaye.



Main apne rab ki rehmat ka karoon ka tazkara aabi,
Munaafa mujh ko deta hai khasaara cheen leta hai..

Mera mizaaj nahin haan main haan nahin milane ka,
Ghalat thi baat teri, ikhtlaaf maine kiyaa.



Aik suuraj tha ke taaron ke gharaanay se utha,
Aankh hairaan hai, kya shakss zamanay se utha..




Ghar to aesa kahan tha lekin,
Darbadar hoon to yaad ata hai..




Kash koi na likhe sher dukh bharay shahid,
Haal dil ka ho mussarat se bayaan eid ke din..




Chand dekha hai to yaad ayi hai teri suurat,
Haath uthte hain magar harf-e-duaa yaad nahin..

                          Mujh pe tawajjoh hai sari aafaat ki,
                           Koi to kashish hai meri zaat main..

Tumhare sheher ka mausam barra suhaana lage,
Main ik shaam chura loon agar bura na lage,

Tumhare bas main agar ho to bhool jao humen,
Tumhen bhulaane main shayed mujhe zamaana lage,

Hamare pyar se jalne lagi hai ik duniya,
Dua karo kisi dushman ki baduaa na lage,

Na jane kya hai us ki be-baak ankhon main,
Woh mu chupaa ke jaye bhi to bewafa na lage,

Jo doobna hai to itne sakoon se doobo,
Ke aas paas ki lehron ko bhi pata na lage,

Ho jis ada se mere sath bewafayi kar,
Ke tere baad mujhe koi bewafa na lage,

Woh phool jo mere daaman se ho geya mansoob,
Khuda kare usay bazaar ki hawa na lage,

Tum aankh muund ke pe jao zindagi qaiser,
Ke aik ghoont main shaayed yeh bd-maza na lage..

Freedom Fighter Ram Prasad Bismil's Poetry for Mother India.

Sarfaroshi ki tamanna ab hamaare dil mein hai
Dekhna hai zor kitna baazu-e-qaatil mein hai

Ek se karta nahin kyun doosra kuch baat-cheet
Dekhta hun main jise woh chup teri mehfil mein hai
Aye shaheed-e-mulk-o-millat main tere oopar nisaar
Ab teri himmat ka charcha ghair ki mehfil mein hai
Sarfaroshi ki tamanna ab hamaare dil mein hai

Waqt aanay par bata denge tujhe aye aasman
Hum abhi se kya batayen kya hamare dil mein hai
Khainch kar layee hai sab ko qatl hone ki ummeed
Aashiqon ka aaj jumghat koocha-e-qaatil mein hai
Sarfaroshi ki tamanna ab hamaare dil mein hai

Hai liye hathiyaar dushman taak mein baitha udhar
Aur hum taiyyaar hain seena liye apna idhar
Khoon se khelenge holi gar vatan muskhil mein hai
Sarfaroshi ki tamanna ab hamaare dil mein hai

Haath jin mein ho junoon katt te nahi talvaar se
Sar jo uth jaate hain voh jhukte nahi lalkaar se
Aur bhadkega jo shola-sa humaare dil mein hai
Sarfaroshi ki tamanna ab hamaare dil mein hai

Hum to ghar se hi the nikle baandhkar sar pe kafan
Jaan hatheli par liye lo barh chale hain ye qadam
Zindagi to apni mehmaan maut ki mehfil mein hai
Sarfaroshi ki tamanna ab hamaare dil mein hai

Yuun khadaa maqtal mein qaatil kah rahaa hai baar baar
Kya tamannaa-e-shahaadat bhi kisee ke dil mein hai
Dil mein tuufaanon ki toli aur nason mein inqilaab
Hosh dushman ke udaa denge humein roko na aaj
Duur reh paaye jo humse dam kahaan manzil mein hai

Wo jism bhi kya jism hai jis mein na ho khoon-e-junoon
Kya lade toofaanon se jo kashti saahil mein hai

Sarfaroshi ki tamanna ab hamaare dil mein hai.
Dekhna hai zor kitna baazu-e-qatil mein hai

कभी ग़म तो कभी तन्हाई मार गयी;

कभी याद आ कर उनकी जुदाई मार गयी;

बहुत टूट कर चाहा जिसको हमने;

आखिर में उनकी ही बेवफाई मार गयी।

Aapki Aankhen Uchi Hui To Dua Ban Gai
Neechi Hui To Haya Ban Gai
Jo Jhuk Kar Uthi To Khata Ban Gai
Aur Uth Kar Jhuki To Ada Ban Gai…

Fir Wahi Fasaana Afsaana Sunaati Ho
Dil Ke Paas Hoon Kah Kar Dil Jalati Ho
Beqaraar Hai Aatish E Nazar Se Milne Ko
To Fir Kyon Nahi Pyaar Jataati Ho…

Kaash Aapki Surat Itni Pyaari Na Hoti,
Kaash Aapse Mulakat Hamaari Na Hoti,
Sapno Mein Hi Dekh Lete Hum Aapko,
To Aaj Milni Ki Itni Bekarari Na Hoti…

Palko ko humne jab bhi jhukaya hai,
Bas ek hi khayal aaya hai,
Jis khuda ne tumhe banaya hai,
Tumhe dharti pe bhejke bhala wo kaise jee paaya hai…

Kabhi Tum Gor Se Dekho Aaina,
Wah Wah!
Kabhi Tum Gor Se Dekho Aaina;
Khud Hi Hanskar Kahoge…
Made in China! Made in China!!

Neeche hai dharti, Upar aakash hai,
.
Dekihye zara…
.
Neeche hai dharti, Upar aakash hai..
.
.
Dicky Khol ke bola ACP,
“Oh god, Yahaan pe toh laash hai”

Ek Roz Yunhi Chalte Chalte Uss Ne Pochaa Mujh
Se,
Koun Ho Tum?
Aur Koun Hu Me?
Me Muskuraya Aur Kaha Raasta Hu Me Aur Manzil
Ho Tum!